L'Olimpiade dele Clanfe vista da Clinz Eastwood
di Trieste di domenica 23 luglio 2023
CINE TRIESTEWOOD
Clinz Eastwood
AUSONIA.
Remake (Refada in triestin) del famoso OCEANIA dela Disney, ambientado a Trieste. Come l'originale (che in realtà ga titolo “MOANA”) anche sto qua ga un nome diverso rispeto ala version dei altri paesi, che se ciama “MONA”.
La storia xe quela de un muleto che se presenta sabato 29 luglio a l ' Olimpiade dele Clanfe al'Ausonia, ma el scopri de no esserse iscrito online su www.spiz.it entro giovedi 27, come da regolamento.
No’l se dà però per vinto: el ghe meti el gutalax de scondon in tel spriz a un iscrito e el pensa de tufarse al suo posto.
In più, savendo che la giuria xe corutibile, el ghe porta una carafa de spriz.
Ma intel casin el inverti i spriz, cussì l'Olimpiade, tra mile pause gabineto dela giuria, dura fin a mezanote.
Ala fine vinzerà a sorpresa un furlan, risultato che vien considerado un presagio squasi pezo del ritorno dela cometa portapegola.
copyright © 2023 tutti i diritti riservati
